Archivio media

David Frankfurter - «Jau hai stuì far quai!»

Ils 4 da favrer 1936 vegn schluppettà a Tavau il schef dals nazis en Svizra Wilhelm Gustloff. L'assassin è il gidieu David Frankfurter, in student da medischina da 26 onns, oriund da la Croazia.

Quest omicidi squassa la Svizra. La pressa svizra scriva d'in attentat politic. La Germania discurra d'in cumplot internaziunal, d'ina conspiraziun giudaica. «Gustloff duai esser in exempel», exprima l'assassin sez en il film «David Frankfurter – Jau hai stuì far quai!».

En occasiun dal 80avel anniversari dal murdraretsch mussa Ruedi Bruderer l'istorgia da quest omicidi cun sa basar sin films e fotografias istoricas e sin in’intervista exclusiva cun il figl Moshe Frankfurter. L'istoricher e directur da «Documents diplomatics svizzers», Sacha Zala commentescha la situaziun politica ed era l'omicidi.

RTR
Cuntrasts